Микулан — Презе, Якулан — Ӱдыр / Николаю — телёнок, Якову — невеста в Набережных Челнах

Кушто йомдарет, кушто муат — нимом от пале, манеш калык. Ты спектакльысе герой-влак денат тыгак лийын. Нунын кокла гыч иктыже изаж дене пырля презым налаш мийыме дене илышыштыже тыгай тура савыртыш лийшаш нерген шоналтенат огыл. А вет тымарте ача-аваже, родо-тукымжо чоныш витарен пытареныт. Но тудо лишыл жапыште еш омытам чияш кӧнен огыл. Ик вашлиймаш, ӱдырын ик шинчаончалтышыже чыла кертын. Вара тиде пӱрымашак мо?

Но тыште эше вес йыгыт уло. Тудо шкенжынлан шотлымо ӱдырым весын дене пайлаш тунемын огыл. Ну мо, меже палена, айдеме тукым мыняр жап мландывалне ила, тунар жапак пӧръеҥ-влак ӱдыр верч кредалыныт, эсогыл сарым тарватеныт...

Моткоч оҥай сюжет савыртышан, муро-куштымашлан, эрвел марий йӱла, чием, йылме ойыртемлан поян весела комедий. Тыгайже але профессиональный театрыште лийын огыл ыле!